Product Support Engineer ဆိုတာဘာလဲ
ယနေ့ခေတ်မှာ စီးပွားရေးလုပ်ငန်း အများစုဟာ Cloud software technology တွေကို တွင်တွင်ကျယ်ကျယ် အသုံးပြုလာကြတယ်။ ကျွန်တော်တို့ရဲ့ client တွေကလည်း ၎င်းတို့ရဲ့ လုပ်ငန်းတွေအတွက် cloud product တွေကို အသုံးပြုလာကြတယ်။ အသုံးပြုတဲ့အခါ error တက်ခြင်း၊ feature တစ်ခုအကြောင်းကို နားမလည်ခြင်းစတဲ့ အသုံးပြုဖို့ခက်ခဲတဲ့အခြေအနေမျိုးတွေလဲ ဖြစ်လာတတ်ကြပါတယ်။ ထိုအခြေအနေမျိုးမှာ အခက်အခဲတွေကို ရှင်းပြပေးနိုင်ပြီး ပြဿနာတွေကို ဖြေရှင်းပေးနိုင်သူမျိုးကို Cloud Product Support Engineer လို့သတ်မှတ်နိုင်တယ်။
တစ်နည်းအားဖြင့်ပြောရရင် Cloud Product Support Engineer ဆိုသည်မှာ client ဘက်မှ Cloud software product နဲ့ပတ်သက်ပြီး ကြုံတွေ့ရတဲ့ နည်းပညာဆိုင်ရာ အခက်အခဲတွေကို အချိန်နဲ့တစ်ပြေးညီ service ပေးနိုင်သူ၊ ကူညီဖြေရှင်းပေးနိုင်သူတွေ ဖြစ်ကြတယ်။ Product Support Engineer တစ်ယောက်အနေနဲ့ တာ၀န်တွေကတော့
- Troubleshooting နဲ့ နည်းပညာဆိုင်ရာအခက်အခဲ တွေကို clients တွေ လိုအပ်တဲ့အချိန်တိုင်းမှာ ဖြေရှင်းပေးရပါမယ်။
- Customer ရဲ့ ပြဿနာတွေ၊ issue တွေကို စစ်ဆေးပြီး အချိန်မီအဖြေရှာဖြေရှင်းပေးနိုင်ရပါမယ်။
- Team နဲ့ ပူးပေါင်းဆောင်ရွက်ပြီး customer စိတ်ကျေနပ်တဲ့အထိ အကောင်းဆုံးဖြေရှင်းပေးနိုင်ရပါမယ်။
- အချိန်တိုအတွင်း clients အလုပ်မနှောင့်နှေးအောင်ဆောင်ရွက်ပေးနိုင်ရပါမယ်။
- သက်ဆိုင်ရာ Help Desk မှာ အလုပ်ချိန်အတွင်း အမြဲတမ်း Standby ရှိနေရပါမယ်။
Cloud Product Support Engineer တစ်ယောက်ဖြစ်ဖို့ဘာတွေလိုအပ်လဲ
- Cloud Software Product တွေနဲ့ပတ်သက်တဲ့ဗဟုသုတတွေ ကြွယ်၀နေဖို့ လိုအပ်တယ်။
- ဆက်ဆံရေးကောင်းမွန်မှု၊ စိတ်ရှည်မှုနဲ့ ပြဿနာဖြေရှင်းနိုင်မှု စတဲ့ လူမှုရေးနဲ့သက်ဆိုင်တဲ့ ကျွမ်းကျင်မှုတွေလည်း ရှိဖို့ လိုအပ်တယ်။
- ခေတ်အလိုက်တိုးတက်ပြောင်းလဲလာတဲ့နည်းပညာအသစ်တွေကို လေ့လာသင်ယူလိုစိတ်ရှိဖို့ လိုအပ်တယ်။
- Cloud Software Technology Company တွေနဲ့ တိုက်ရိုက်ဆက်သွယ်ရမှာဖြစ်တဲ့အတွက်ကြောင့် အင်္ဂလိပ်ဘာသာစကားကို အတော်အသင့်ကျွမ်းကျင်ဖို့လည်း လိုအပ်တယ်။
- Zendesk, Freshdesk, Zoho Desk စတဲ့ Help Desk software တွေကိုလည်း အသုံးပြုတတ်ဖို့လိုအပ်တယ်။
Cloud Product Support Engineer တစ်ယောက်ရဲ့ အခန်းကဏ္ဍနဲ့ တာဝန်တွေကတော့
- ကိုယ် support လုပ်မယ့် Cloud technology နဲ့ပတ်သက်ပြီး သေချာနားလည် တတ်ကျွမ်းနေဖို့ လိုအပ်တယ်။
- ခေတ်ရေစီးကြောင်းအလိုက် ပြောင်းလဲနေတဲ့ နည်းပညာအသစ်တွေကို အဆက်မပြတ်လေ့လာသင်ယူလိုစိတ်ရှိရပါမယ်။
- Client နဲ့ Cloud Software Technology Company တွေကြားက ပြဿနာတွေကို ဆောင်ရွက်ဖြေရှင်းပေးနိုင်ရပါမယ်။
- Cloud Software နည်းပညာနဲ့မရင်းနှီးတဲ့ clients တွေကို သဘောပေါက်နားလည်တဲ့အထိ စိတ်ရှည်လက်ရှည် ရှင်းပြပေးရပါမယ်။
- Clients အမျိုးမျိုးဆီက Cloud Software နဲ့ပတ်သက်တဲ့ ပြဿနာတွေကို Priority Level ခွဲပြီး ဖြေရှင်းပေးနိုင်ရပါမယ်။
Cloud Product Support Engineer တစ်ယောက်ရဲ့ အောင်မြင်မှု Cloud Product Support Engineer တစ်ယောက်ရဲ့အောင်မြင်မှုကတော့ Client တွေရဲ့ Cloud Software နဲ့ပတ်သက်တဲ့ ပြဿနာတွေကို အချိန်နဲ့တစ်ပြေးညီ Client ရဲ့လုပ်ငန်းကို မနှောင့်နှေးစေဘဲ အမှန်ကန်ဆုံးနဲ့ အမြန်ဆုံး ဖြေရှင်းပေးနိုင်ခြင်းပဲဖြစ်တယ်။
