Microsoft ရဲ့ လေ့လာချက်တစ်ခုအရ အလုပ်လုပ်သူ 70% ရဲ့အထက်ဟာ အိမ်ကနေ အလုပ်လုပ်လိုကြပြီး ဝန်ထမ်းတွေရဲ့ သုံးပုံနှစ်ပုံလောက်က လုပ်ဖော်ကိုင်ဖက်တွေနဲ့ လူချင်းတွေ့ပြီး အလုပ်လုပ်ချင်ကြပါတယ်။ အားလုံးအတွက် အဆင်ပြေစေနိုင်တာကတော့ တချို့သောရက်တွေမှာ ရုံးတက်ပြီး တခြားရက်တွေမှာတော့ အိမ်ကနေ အလုပ်လုပ်တဲ့ hybrid working ပါပဲ။ Project Manager တွေအနေနဲ့ အဆိုပါကွဲပြားနေမှုကို ပေါင်းစပ်ပြီး hybrid teamများကို ဦးဆောင်ဖို့လိုပါတယ် ။ Project Management ရဲ့ rule အသစ် ငါးမျိုးကို ထောက်ပြပေးနိုင်မယ့် နည်းလမ်းများကိုရှာဖွေခြင်းဟာ မှန်ကန်တဲ့ အဖြေတစ်ခု ဖြစ်ပါတယ်။
၁။ ယုံကြည်မှုဟာ အရေးကြီးတဲ့မစ်ရှင်တစ်ခုဖြစ်ပါတယ်
Project တွေကို စနစ်တကျ စီမံခန့်ခွဲဖို့ တီထွင်ထားတဲ့ tool တွေ အများအပြားရှိပေမဲ့ member အများစု တသီးတခြားစီဖြစ်နေတာက hybrid team တွေကို စီမံခန့်ခွဲဖို့အတွက် အဓိကပြဿနာပဲဖြစ်ပါတယ် ။ decision making နှင့် revenue tracking လို လုပ်ငန်းတာဝန် တွေမှာ ယုံကြည်စိတ်ချရတဲ့ centralized hub တစ်ခုရှိဖို့ အရေးကြီးပါတယ် ။ Harvard Business Review ရဲ့ စစ်တမ်းအရ အလုပ်အမှုဆောင် 5% လောက်ပဲ portfolio planning နှင့် management အပိုင်းတွေမှာ ခြုံငုံသုံးသပ်နိုင်တဲ့ အမြင်ရှိပါတယ်။
၂။ asynchronous communication ကို ပိုမိုလက်တွေ့ဆန်စေတဲ့ work flexibility
Hybrid worker များဟာ ဘယ်နေရာ၊ ဘယ်အချိန်ပဲဖြစ်ဖြစ် ဘယ် device ကနေမဆို အလုပ်လုပ်နိုင်ဖို့ လိုအပ်ပါတယ်။ အဖွဲ့လိုက် အလုပ်အတူတူလုပ်တဲ့အခါ အထောက်အကူပေးဖို့ cloud နည်းပညာကိုအခြေခံထားတဲ့ tool များ လိုအပ်ပါတယ်။ အချက်အလက်တွေကို နေရာတစ်ခုထဲကနေ မျှဝေနိုင်ခြင်းဟာ အားလုံးကို အချိန်နဲ့တပြေးညီ ဖြစ်စေပြီး အလုပ်ကို ပိုမိုပြီးမြောက်စေပါတယ်။
၃။ Resource Management ဟာ အကျိုးရှိစေတဲ့ အားသာချက်တစ်ခုပါပဲ
HBR စစ်တမ်းကောက်ချက်မှာ စီမံခန့်ခွဲသူ 52% ရဲ့ အဆိုအရ automation နဲ့ collaboration တွေပါတဲ့ workflow တွေဟာ ပိုမိုကောင်းမွန်တဲ့ အရင်းမြစ်တွေကိုစီမံခန့်ခွဲဖို့ အဓိကသော့ချက်ပဲလို့ ပြောကြပါတယ်။
၄။ လုပ်ဆောင်ရမည့် အလုပ်နှင့် ရလဒ်များကို ကြိုတင်စီစဥ်ထားခြင်း
ရလဒ်မျ ားကို တိုင်းတာခြင်းဟာ စနစ်တကျ ကြိုတင်စီစဥ်ခြင်းရဲ့အစိတ်အပိုင်းတစ်ခု ဖြစ်ပါတယ်။ လုပ်ငန်းအဖွဲ့အစည်းတွေဟာ လုပ်ငန်းရဲ့ strategy နဲ့အညီ workflow တစ်ခုကို အစီအစဥ်ဆွဲခြင်းကနေ ပြီးမြောက်အောင်မြင်တဲ့အထိ တစ်ဆင့်ချင်းစီ လုပ်ဆောင်သွားဖို့ နည်းလမ်းတစ်ခုလိုအပ်ပါတယ်။ အစီရင်ခံခြင်းက ဆုံးဖြတ်ချက် ချမှတ်ရတာတွေနဲ့ အဖွဲ့တွေကို အလုပ်လုပ်ရာမှာ လမ်းကြောင်းမှန်ဖို့ အထောက်အကူပြုပါတယ်။
၅။ အဓိက အရေးပါတဲ့ အချက်အလက်နှင့် အလွယ်တကူဆက်သွယ်နိုင်ခြင်း
central platform တစ်ခုဟာ လူတိုင်းကို တစ်နေရာထဲကနေ အလုပ်လုပ်နိုင်စေရုံတင်မကပဲ project မှတ်တမ်းတွေနဲ့ လုပ်ငန်းအားလုံးရဲ့ context တွေကို မှတ်သားထားနိုင်ပါတယ်။ Project dashboard တွေမှာ အပြန်အလှန်ပြောဆိုထားတာတွေ၊ အချက်အလက်တွေ၊ ရက်စွဲတွေနဲ့ အလုပ်နဲ့သက်ဆိုင်တဲ့ contactတွေ အကုန်ပါဝင်သင့်ပါတယ်။ အချက်အလက်တွေ အပြည့်အစုံရှိထားခြင်းဖြင့် အဖွဲ့ဝင ်တွေအနေနဲ့ နောက်ဆုံး update နဲ့ ကိုးကားချက်တွေကို ပြန်ရှာစရာမလိုပဲ ပိုကောင်းတဲ့ဆုံးဖြတ်ချက်တွေကို ချမှတ်နိုင်ပါတယ်။
Hybrid arrangement ဟာ project manager တွေအတွက် စိန်ခေါ်မှုတွေရှိလာနိုင်ပေမဲ့ အဖွဲ့ဝင်တွေ ဘယ်နေရာမှာပဲရှိနေနေ ဆက်သွယ်ပေးပြီး လုပ်ငန်းအဖွဲ့အစည်းတွေရဲ့ နည်းဗျူဟာတွေ ချမှတ်ခြင်းနှင့် လက်တွေ့လုပ်ဆောင်ခြင်းတွေမှာ ထောက်ပံ့ပေးတဲ့ နည်းပညာက အခက်အခဲတွေကို ဖြေရှင်းပေးနိုင်ပါတယ်။ အဖွဲ့ဝင်တွေကို အတူတကွ အလုပ်လုပ်နိုင်စေတဲ့ tools တွေက ကုမ္ပဏီကို နည်းလမ်းအသစ်တွေနဲ့ အလုပ်လုပ်နိုင်ဖို့ ကူညီပေးပါတယ်။
Ref: Smartsheet
