Systems Integrator ဆိုတာ ဘာလဲ။
ယနေ့ခေတ် လုပ်ငန်းတော်တော်များများမှာ မတူညီသောလုပ်ဆောင်ချက်များ (ဥပမာ – Administration , Data Collection, Processing Payments) စသည်တို့အတွက် IT subsystem အမျိုးမျိုးကို အသုံးပြုလေ့ရှိကြပါတယ်။ သို့သော် IT subsystem တွေဟာ သီးခြားစီ အလုပ်လုပ်တဲ့အတွက်ကြောင့် မလိုအပ်ဘဲ အချိန်ကုန်၊ ငွေကုန်ခြင်းများ ဖြစ်လာစေနိုင်ပါတယ်။ ထိုသို့ဖြစ်ခြင်းမှ ကာကွယ်ပေးနိုင်တဲ့ တစ်ခုတည်းသော အဖြေကတော့ Systems Integration(ခေါ်) Companyရဲ့အစိတ်အပိုင်းတွေကို IT စနစ်တစ်ခုတည်းသို့ ချိတ်ဆက်ခြင်းပဲ ဖြစ်တယ်။ Systems Integrator ဆိုသည်မှာ Clients တွေအသုံးပြုတဲ့ Software, Hardware, storage products အမျိုးမျိုးကို All In One Computing System တစ်ခုအဖြစ် တည်ဆောက်ပေးရတဲ့လူ၊ ပေါင်းစပ်ပေးရတဲ့လူလို့ သတ်မှတ်နိုင်ပါတယ်။
Systems Integratorတစ်ယောက်အနေနဲ့ လုပ်ဆောင်ရမယ့်တာ၀န်တွေကတော့
- Companyရဲ့IT ပိုင်းဆိုင်ရာလိုအပ်ချက်များကို ရှာဖွေတင်ပြခြင်း
- System Integrationအတွက် Integration Plan or Process ကိုဦးဆောင်ဖန်တီးပေးခြင်း
- Clientများအတွက်လိုအပ်မယ့် Software, Hardware, Storage Products တွေကိုရွေးချယ်ပြီး Computing Systems များ တည်ဆောက်ခြင်း
- IT subsystemsများကို Single Systems တစ်ခုအဖြစ်ပေါင်းစပ်ပေးခြင်း တို့ပဲ ဖြစ်တယ်။
Systems Integrator တစ်ယောက်ဖြစ်ဖို့ ဘာတွေလိုအပ်လဲ။
- စစ်တမ်းများအရ Systems Integrator တစ်ယောက်ဖြစ်ဖို့ Education ပိုင်းမှာအနည်းဆုံး Technologyနဲ့ ပတ်သက်တဲ့ Bachelor Degree ရှိဖို့ လိုအပ်ပါတယ်။
- Integration Technologies များနဲ့အကျွမ်းတ၀င်ရှိဖို့ လိုပါတယ်။
- Team နဲ့ပူးပေါင်းလုပ်ဆောင်ရမည်ဖြစ်သောကြောင့် Communication skill နှင့် Collaboration skill များကောင်းမွန်ရန်လိုအပ်ပါတယ်။
- နည်းပညာအသစ်အသစ်များကို အဆက်မပြတ်လေ့လာနေဖို့လိုပါတယ်။
- System Integration တည်ဆောက်ရန်လိုအပ်သော API knowledge များလည်းကျွမ်းကျင်နေရန်လိုအပ်ပါတယ်။
- Project Management လုပ်ထုံးလုပ်နည်းများကိုလည်း နားလည်သဘောပေါက်ဖို့လိုအပ်ပါတယ်။
Systems Integrator တစ်ယောက်ရဲ့ Role and Responsibilities
- လုပ်ငန်းရဲ့လိုအပ်ချက်အပေါ် မူတည်၍ Software Systems များကို ချိတ်ဆက်ပေးခြင်း
- Subsystems များကို ပေါင်းစပ်ပြီး IT system တစ်ခုထဲတွင်ချောမွေ့စွာ အလုပ်လုပ်အောင် စီမံဆောင်ရွက်ပေးခြင်း
- Clientsများနဲ့ ဆွေးနွေးတိုင်ပင်ပြီး Software Requirements များကို စဥ်းစား ဆုံးဖြတ်ပေးခြင်း
- Large Data များကို Analyze လုပ်ပြီး High Level Summaries များကို Develop လုပ်ပေးခြင်း
- Products မျ ားကို လိုအပ်ချက်များနှင့်အတူအချိန်နှင့်တစ်ပြေးညီ ထုတ်လုပ်ပေးခြင်း
- System Integrationတွင်အသုံးပြုမည့် Infrastructure capabilities များကို Report တင်ပြခြင်း
- Existing Infrastructure နှင့် Subsystem များကို Analyze လုပ်၍ Upgrade လုပ်ရန် လို/မလို ဆုံးဖြတ်ပေးခြင်း
- System Integration တည်ဆောက်ရာတွင် ဖြစ်ပေါ်လာနိုင်သော ကုန်ကျငွေများ၊ အန္တရာယ်များ၊ ကွာဟချက်များ ကို တင်ပြခြင်း
- Team နဲ့အတူပူးပေါင်းလုပ်ဆောင်ခြင်း
- System Integration ဖြင့်တည်ဆောက်ထားတဲ့ All in one Computing System ကို Clients များသဘောပေါက်အောင် Demonstration Videosများ ဖန်တီးပေးခြင်း တို့ပဲဖြစ်တယ်။
အောင်မြင်တဲ့System Integrator တစ်ယောက်ဖြစ်ဖို့ Clientsတွေအတွက် လွယ်ကူစွာအသုံးပြုလို့ရနိုင်တဲ့ All In One Computing System (System Integration) ကို အောင်အောင်မြင်မြင်တည်ဆောက် ပေးနိုင်ရမှာပဲ ဖြစ်တယ်။
